Sunday, July 03, 2011
Friday, July 01, 2011
Relihyón
Buót silingón siní igwáng mas oróg kalangkáw na Kaglaláng na kun dai ta man kinakámo’tan, satong kinakahádlokan. Kadto, dai mo nanggad pagpaángguton an mga aníto ta nganing bulígan ka ninda, ta ngarig ihátag nila saimo an ginapangáyô mo. Ngonyan na panahon, sa pagtubód kan ibang mga agít-agitán na relihyón, mas igwa nin kamanungdanan kun an kinaugalíngon nagatúo sa mga linaláng na mas halangkáw saíya, o bagáman minátubod dángan nag-uutób sa mga gawí-gáwi o mga pagkasábot na makakabúlig saíya kun pa’no mabuhay, o sa pagpangítâ kun ano an ginapanúmdon kan Bathala, kan Diyos, kan Palíbot, kan Tao o kun ano man na Kusóg na nagpapapangyári sa gabos. Dawa anong relihyón marhay man basta dai ni minapalangkábâ o magpaháslô sa táwo. Magi kang relihyoso, sábi, alágad magi kang síring ta ngáni sanáng mapaáyo an sadíri mo. Mayo ni saro satô an may áram kan kamatuóran. Siling ganî ka’yan ni San Pablo, “an iba bal-an ta kag an ibán pa tinotôdan ta na sana.”
Wednesday, June 22, 2011
Pag-intindí

Pag-intindí
Sunday, June 19, 2011
Saturday, June 18, 2011
Mánggad
Heroes
Despite the ill effects of the media and other similar influences, we would want to think that a culture of admirable students still pervades our schools today.
Yet, all the same we remain optimistic that we have hope in some others who are otherwise—who do otherwise. So we move on to looking beyond what is obvious here and now. Frankly we believe it is not so hard to find a hero, an odd man out. Daily we launch a search for a student who does not conform to a culture that is tolerant of the vices of a child, the whims of Peter Pan or the caprices of a Dennis the Menace.
He or she is one growing person who is willing to live and live well in good manner. One who will succeed and whose name will be worth every frame in a world’s nameless, priceless, unadvertised, and insignificant hall of fame—because he or she will be one etched in a teacher’s heart—one who will inspire the teacher enough until his or her retirement.
Sunday, June 12, 2011
Mánggad
An mánggad o kwarta bakong grasya, bako man disgrasya. Ini segun sa kun pa’no nákua sagkod kun pa’no ginagamit. Pwede nganing sabihon na mas hapós an magin matinao, kag pirming naghihirás kaini kaysa mayo kaini. An kinaiba sana kan igwang kwarta sa mayo, iyo an gahum, o kapangyarihan. Kaya gayod an mayaman labi na sana man an pagkahambog sagkod paabaw-abaw. Alagad ngonyan, uminabót na an tiempong an kayamanan saro nang kaulangan. Ngonyan, kaipuhan kan mga mayaman bakong magasto, bakong gayong magarbo. Mas marhay saindang dai nabibisto; mas marhay ngani na dai sinda bisto. Gabos nauuri sainda. Hinaharanap sinda kan mga taga-luwas. Dinudurukot sinda kan mga bandido; tinitirira sinda kan mga terorista. Mas mayád man giraray an palakaw kan mga matuod na manggaranon kaysa sa gobiernong puwedeng imukna kan sarong ambisyosong pigado. Pag-abot kan tiempong yaon na siya sa poder, siya maha’bon kan yaman kan banwaan, malangkaba kan kapangyarihan, dangan papatioson itong mga nagpasakit saiya.
Saturday, June 11, 2011
Pag-antos

Tuesday, June 07, 2011
Pag-antós
Minapoon ini sa baskog na pagtubod na an kada kadipisilan igwang kalutasan; oras sagkod kapas sana an kaipuhan mo ta ngani na mapangyari ini. Naaagód kan ibang tawo ano man na kagabatan, an kada kadipisilan, mantang an iba nariribongan dangan naluluki-luki kan mga bagay na nungka ninda mina’wot o inasahan na mangyari.
Ta ngani kang maka-antos, dai kaipuhan na matali ka, basta igwa kang sentido kumon sana—asin kusog na makagurapay sa mga pangyayari o bagay-bagay na saimo minaparatay. Ta ngani kang makaantós, kaipuhan maisog ka, magian an disposisyon, manginisi, nahihiling an gayon asin oportunidad sa gabos na bagay, pirming igwang diskarteng magpangyari an mga bagay na kaipuhan gibohon. Ta ngani kang makaantós, urog na kaipuhan na maisog ka.
Idtong mga tawong nagtutubód na katabang ninda an Diyos o naggigiya sainda [an ano man na dyinodiyos ninda] mas orog na makakaantós kaysa mga tawong an pagmate ninda garo mayo nang pag-asa o naghuhuna na pinabayaan na sinda. Likayan mo an mga tawong matalaw, o matapo’ sa kasakitan—apwera na sana kun ika doktor, padi o social worker. Dai nanggad paglingawi—an pagturog, an pagdiskanso, an pagkamoot sa ibang tawo, an interes na mabuhay sa kalibutan sagkod an pangamuyo amo an saimong pansagang, iyo an mapahapos sa tiempo nin kadipisilan, sa panahon nin sakit.
Susog sa “Coping” na yaon sa Worldly Virtues: A Catalogue of Reflections ni Johannes Gaertner [1912-1996], Viking Press, 1990.
-
Reading Two Women Authors from Antique Mid-May 2006, the University of San Agustin ’s Coordinating Centerfor Research and Publicatio...
-
Browsing items at a used books store in the Naga City People’s Mall, I found Mrs. Estela Anciano’s yellowed copy of the third book of Diwang...
Songs of Ourselves
If music is wine for the soul, I suppose I have had my satisfying share of this liquor of life, one that has sustained me all these years. A...