Ma, pasensiya dai na ko nakapaaram saimo
amay-amay pa si first trip marhay ngani
ta nakasakay ako. Dai ta ka na pigmata
paggios ko ta turog-turog ka pa, pagal-pagal
kakaaling ki Nonoy pirang banggi na man
nagpaparapastidyo; pero kun kinakarga ko,
pwerte man baga, nagsisilencio.
Hilingon ko na sana tibaad yaon na
man ko diyan sa Sabado. Pero sabi mo
man ngonyan na semana tibaad mag-abot
na si Onding ni Jeremias. Marhay kun siring
ta igwa na kitang mawalatan kan mga sadit.
Digdi sa eskwelahan, siribot naman kami
ngonyan ta muya kan mga maestrang
mag-Christmas party kaiba kan mga magurang
sa plaza—apwera pa kan sa mga kaakian.
Nahugos na samo an PTA kaya dakulon
gibohon ko digdi. Mga lesson plan ngani
dai ko pa ubos macheck-an. Pero marhay
man ta igwa ako digding masarigan.
Kansubanggi—iparayo nin Dios—
nagralaen naman si pagmati ko. Nagimata ako
sa init; ginagaranot ako; basa-basa si sakong
ulunan, tumtom pati higdaan. Pero tinutumar ko
si bulong na pigreseta kadto sa Naga. Dai ka na
maghadit ta maboot man si May Peling; siya
an kasera ko digdi. Pinapatundugan niya ko ka’yan
sa mga aki nin pangudtuhan o minsan mirindalan.
Nurong semana, makompleanyo ka na baga
kaya maghalat-halat ka ta ako may surpresa.
Showing posts with label biography. Show all posts
Showing posts with label biography. Show all posts
Monday, October 10, 2016
Tuesday, September 27, 2011
Nag-Fiesta sa Jaro si Mariano Perfecto
Pag-labáy kan banda sa saindong iskinita, nagbugtaw ka na. Mas maáyo kay aga ka nagsimba. Pasiring sa kapilya, tinangro ka nin esperma ni Santa Maria, nagsulô ka nin lima. Makipangúdto ka ki Santa Marta. Kun daindata an saiyang afritada, luwagá saná. Nalalántaw mo sa Jaro an ginasiling na Reyna sa patio kan Cathedral ninda pinaparáda, guyod-guyod an kapa ni Santa Catalina. Uy, maoogmá an mga tindang kamunsil ni Santa Bárbara sa bangketa. Mga tatlo ka kilo, dai na man pagtawáda. Sa hapon, ma-derby si San Pedro sa plaza; rinibo daá an pwedeng magána—pumili ka na, sa puti, sa pulá. Pag abot kan sinárom, magpasádpasad ka sa bisitá. Si Magdalena dai naglaog sa panaderya, kiblita na balá. Bilog na aldaw nagbaligya si Dios Ama, mais na sinugbá, sa plaza asta may talipapa, nagpidir ka kuta miski pira.
Subscribe to:
Posts (Atom)
-
Reading Two Women Authors from Antique Mid-May 2006, the University of San Agustin ’s Coordinating Centerfor Research and Publicatio...
-
Browsing items at a used books store in the Naga City People’s Mall, I found Mrs. Estela Anciano’s yellowed copy of the third book of Diwang...
Songs of Ourselves
If music is wine for the soul, I suppose I have had my satisfying share of this liquor of life, one that has sustained me all these years. A...