Igwang Mapapasáon Tà May Okasyón

Daí nindo pagpara-alíti an mga sadíring gamit. Na dáwà kamo mismo dai nakakagámit kan mga iního. Tàno pigruruluwás saná nindo an mapapasàon kun igwa man daáng selebrasyon? 

Ah. Habô nindong magagabát an huhugásan na plato?   Tàno an inuusár nindo itong may litík nang báso? An pudpód nang tása iyo an linalàgan kan adóbo?

Mamondò, mamondò. Mamondò kun an mároromdomán kan mga aki nindo, agom mo, sadiring-tawo, kan mga aldaw na magkairíba kamo—kun bakò si may punggít na plato, itong kiríming bandehado na (ara-aldaw) paraúso.  

Itóng kutsárang pag iyò an sa lamésa pigpwésto, pinagámit asin ihinúngit kan kabuhán mo, tánggal an saiyang pustíso ta nakasàbit palán sa puró!

Sinurublían sa Dáan na Bikol
alití, alitán, likayan, ingatan
inuusár, ginagamit
mapapasáon, china