Magbása Kitang Bikol

Naga City, Camarines Sur—Pagrokyaw ka Julio Aborde  Jr. kan Camarines Sur sagkod Maria Cecilia Tatel kan Catanduanes, duwang maestrong kagsurat kan mga istoryang-pan-aki na pinili kan Let’s Read kan Asia Foundation kan nakaaging taon.

Rokyaw man na gayo sa mga nagkurit kan mga istoryang ining sinda Marly Espiritu kan Masbate dangan Al Vic Misalucha kan Camarines Sur. Antes pa mag-abot an pandemya, haloy nang kamawotan kan Asia Foundation (AF) an maiheras sa gabos an saindang mga istoryang pan-aki sa paagi kan internet. 

 

Sa pakikipag-anduyog kan AF sa mga parasurat sagkod parakurit sa Bicol sagkod sa manlainlain na rona kan Pilipinas magin sa entirong Asia, an mga obra ninda Jun sagkod Cecil ngonyan mababasa na sa saindang mga pahina. Poon sa mga enot na workshop kan Enero sagkod Marso hasta Hulyo kan 2020, sakóng nagin dakulang pribiliheyong makabulig sa mga kasibutan (asin kasabutan) na ini.

 

Kamo gabos, madya! Dumanan ta an saindang mga obra. Bisitahon an letsreadasia.org. Basahon ta an sadiri ta:

 

Si Labsay kan Dakulang Bukid

Ni Julio Aborde Jr. 

Kan Magturaok si Inok 

Ni Maria Cecilia Tatel 

 

Mábalos, Asia Foundation.

 

#AsiaFoundation

#LetsReadAsia

#BikolBeautiful 

#CentralBikol