Satuyang Rasa

Hale Qui Emma, Na Orog na Namoot

Obra Ni Clemente Manaog

1997

Magabat an boot co na maghale,

Alagad caipuhan co na mag-uli 

Ngonyan na banggui.

Sa aga, matugdoc aco nin harong 

Sa cadlagan harani sa dagat,

Cun sain aco na sana an macacadangog 

Can sacuyang catranquiluhan.

Sa palibot caini, matanom aco 

Nin anom na poon nin niyog 

Na mas masarig sa saco, 

Na magiging mga harigi—

Manga pusog na pundasyon 

Can manga matuninong cong aldaw

Na dae co naman madadangog. 

Ma’wot co na sinda magserbing

Maliwanag na ilaw sa dalan

Sa macangirhat na diclom, 

Cun sain aco ma-agui 

Sa sacuyang pag-uli

Ngonyan na banggui.

Ma’wot co man na yaon sinda duman

Asin na aco mamidbid ninda. 

Alagad cun sinda malingaw saco, 

Dae na bale.

Nungca na aco mahanap 

Nin caribay ninda, nin huli ta aram co

Na sinda mga marhay.

Alagad atyan na banggui, 

Hahagadon co na sinda

Magserbing mga maiimbong 

Na candila cataid co.

Asin cun aco naca-uli na

Sigurado aco na sa aga

Iguwa na aco nin harong 

Sa cadlagan harani sa dagat

Cun sain aco na sana

An macacadangog 

Can sacuyang catranquiluhan.

Asin an iba macacadangog.