Gusto mong mag-uli sa San Nicolas.
Pero harayo an lugar na natubragan mo.
Nuarin ka daw makaduman giraray
sa kamposanto? Makabisita saimong
parte daryo? Makahigda sa may kamalig
sa libod kan dakulang harong?
Sa nagima'tan mong duyan sa Ilawod?
Ano na daw an hitsura kan harong?
Kumusta na man daw sa Joel duman?
Darakula na siguro si mga tinubong mo.
Ano daw, napagaran si moroso sa daga?
Napapaihi ka. Napapaudo. Atyan
makarigos ka na lang, tibaad mawara
sana ining mga guniguni. Siguro init kan
lawas sana. Ngapit sa aga mayo na 'ni.
No comments:
Post a Comment