Naingas Si Kulas

Nauranan siya maghapon.
Pigparahapag niya an damulag na sa uma
tuminandayag. Papuli na sa dalan, inawitan
niya an mga manok na naghaharapon;
uni na an sinárom.

Naum-om siya kan diklom.
Udo kan damulag na natu’makan niya
sa dalan mayong parong. Daing salugsog
an hibo kan gugon; an tunok kan turog-
turog bakong hararom.

Naumangan siya kan bituon.
Dawa sain maduman siya karon; ilusyon
sa Ilawod papasyaron; baylihan sa Katangyanan
dadayuhon; sa diklom kan dalan, paduman
sa Kasiraman, mapahalon.


Ki Tomo, Pangkoy, Ronaldo, Zaldo, Paulo.